رغم ان نصف دمائي التي تجري في عروقي (نجدية) إلا اني لا أطيق الرياض لأسباب عديدة؛
أضيق ذرعا بزحام شوارعها اذ رغم اتساعها تكاد تطبق على انفاسي؛
أحب ضيق شوارع الشرقية و هدوئها في العاشرة مساءا؛ وكأن حظر تجول قد طبق على المنطقة!
بالرياض؛ أكره شارع الستين ولا أحب المرور فيه؛ إذ أن في هذا الشارع لفظت صديقتي أنفاسها نازفة دماؤها على الاسفلت الحار..وأعشق شارع الظهران بازدحامه؛
يذكرني بمغامرات أليمة ومجنونة وقتها!أ
كره بعضا من بنات الرياض وليس الكل (ماعدا لولو) خخ
سبب كرهي لهؤلاء بسبب قاعدة احنا بنات الرياض؛
أصل وفصل وملح وقبلة ومايجي منا العيب(عداكم العيب انتم وبجدارة وسختوا سمعة مدينة بسبب أفعالكم المريضة)واكره
بعضا من بنات الشرقية لان عندهم معتقد انه يالله ليه العالم متخلفين؟ لا والله بس مو كل العالم مضروبين بمخوخهم زيكم
ماعلينا.....أمس كانت الصفعة الاليمة اللي خلتني اقوووول
ياااااحبي لكم يابنات الرياض
كنت جالس في امان الله في مطعمي المفضل في البحرين
مستمتعا بهدوء المكان وخلوه من السعوديين...الامتحانات يوم السبت وكل من ماسكن عياله في البيت وطايحن فيهم تغذية واكل مطاعم استعدادا ليوم السبت ـ ويجي الفطور حقي والقهوة.....وتوني بآكل الا وتمر هاك البنت !!! اح!!! اول مرة اضيّع مكان فمي وانا اكل؟؟
شـــــي خقق- الله لا يضرها- وجلست قدامي !! طبعا الواحد هنا بوقتها ينسى ياكل ويبدا يبحلق بكل حواسه ويركزززززز
قسسسسسسسم بالله اني ماقد ركزت في أحد زي هالمرررررة!!
دخت وانا اناظر....مو جمال بس جاذبية ألييييييييمة...وتفك اللثمة وتجلس!! انا كنت خااااق قبل ماتفتش..شلوون بالله يوم افتشت؟!
المهم واقعد اهوجس في نفسي.ياربييييييييه ياربيييييييييه ربااااااااااه ابيها!! احييييييييييه وش هالخقوووووقية ذي بس؟!
واخلص اكلي..واقووووم وانا ما ادل الدرب
ولاول مرة في حياتي تحولت الى شاااااب سعودي في الفيصلية، واكتب الرقم في بطاقة وارسلها مع الجرسون واناظر فيها وامشي!!
خلاصة الموضووووع....
مدري وش كنت احس فيه بس يلعن حريشكم يابنات الرياض....خققتووووني امس!!
والأدهى من كذه كان.....مدري مين رقمه اللي كتبت!!
لووووووول
ليست هناك تعليقات:
إرسال تعليق