يا عيون قلبي..."عيوون قلبي" كيف بدي انام؟!

يا عيون قلبي ... عيوون قلبي كيف بدي انام؟

اللخبطة اللي ممكن تصير في حياتي تنطرح بمقطع هالاغنية ... لو بس فكرت اسمع كلام قلبي واخليه يتعلق باحداهن 
بوضعي انا ... صعب جدا ا
ماهو خوف من العلاقات ولا تعقيد نفسي
انني ما ابغى اظلم بنت الناس معي
لا انا قادر اسعدها بوضعي الحالي و ازورها ببيتها يوميا
لأن لو تشوفني أمها بس..بتفرض علينا حصار لا نهاية له
بس بسبب شكلي الخارجي اللي ساعات يكون مستفز للبعض
وما ادري اذا كانت بتبقى لي (لين اخلص عمليات التصحيح) أو اذا اهلها ممكن يوافقون علي وقتها
وليه ننقز للاهل..اذا هي وافقت علي وقتها وما استجد جديد..كعريس غني مثلا ..؟
ما اعرف وش ممكن تكون عليه حياتي حاليا
خصوصا بعدما قررت اقتحم غمار التجربة و أبدأ بالتصحيح الفعلي
وبعد سنة ونص تقريبا.. مغ التغيرات اللي تصير بحياتي؟
ما اعرف والله العظيم
انا حاليا... أشبه بنفسي بطفل في الثالثة من عمره
وحيد..خايف لأنه محبوس بغرفة ظلما..وهو اكثر شي يخاف منه : الظلام
شفت هالشعور؟
هذا اللي احسه بالضبط
خايـــف لاقصى حدودي وبعيد جدا عن الامان
ومتعب لاقصى حدود التعب 
ومتوجس خيفة من كثر الترقب، مدري وش بيصير علي
ومنيب: انا.. و ماني عارف
ما ودي الخبطها معي
زود فوق هاللخبطة اللي أنا عايش بها.. دوامة شبيهة باللعبة الافعوانية بالملاهي
تبأ بسرعة وتخليك تصرخ لين ينشف حلقك ثم فجأة تتوقف؟

الحيـن، عمري 34 سنة... تخيل؟
لازلت اعزب، والصفعة المؤلمة
تزوجوا جميع البنات اللي بعمري..قريباتي كل وحدة عندها جيش من الاطفال
والبقية اللي مسويين (يااي و ناعمات) كل وحدة عندها من 2 الى 4 اطفال
وانا..؟ لا زلت أ ع ز ب
لكن بنظرهم أنا (عانس) تستحق الشفقة
واعتقد ان عمرهم مايصدقون بأني كل يوم أحمد ربي وأشكره
انه ما ربطني رجّـال .. وصرت زيهم (مدام) اعوووذ بالله

صحيح أتمنى يكون عندي بزر يناديني "بابا" مو ماما
الامور يحتاج لها اعادة نصاب ي جمااعة

المهم.... اني اليوم ضايع
و بس